താനൂര്‍: വീട്ടില്‍ നിര്‍ത്തിയിട്ടിരുന്ന ഓട്ടോറിക്ഷ ദുരൂഹസാഹചര്യത്തില്‍ പൂര്‍ണമായും കത്തിനശിച്ച നിലയില്‍ കണ്ടെത്തി. താനൂര്‍ പുതിയകടപ്പുറം സ്വദേശി ചക്കന്റെ പുരക്കല്‍ സൈനുല്‍ ആബിദിന്റെ ഓട്ടോറിക്ഷയാണ് പൂര്‍ണമായും കത്തിനശിച്ചത്. കഴിഞ്ഞ ദിവസം രാത്രി വീട്ടുമുറ്റത്ത് നിര്‍ത്തിയിട്ടിരുന്ന ഓട്ടോറിക്ഷ വീട്ടില്‍ നിന്നും 50 മീറ്റര്‍ ദൂരെയാണ് കത്തിയമര്‍ന്നിരിക്കുന്നത്. പുലര്‍ച്ചെ വീട്ടില്‍ നിന്നുമിറങ്ങിയപ്പോഴാണ് വാഹനം അഗ്നിക്കിരയായത് വീട്ടുകാരറിഞ്ഞത്. പൊലിസ് കേസെടുത്ത് അന്വേഷണമാരംഭിച്ചു.