മലപ്പുറം: മമ്പാട് പഞ്ചായത്തില്‍ സ്വകാര്യ വ്യക്തിയുടെ ഭൂമി കൈയേറി സാധാരണക്കാരില്‍ നിന്നും അപേക്ഷ വാങ്ങി ഭൂമി നല്‍കി അധികാര ദുര്‍വിനിയോഗം നടത്തുന്ന നടപടി അപലപനീയമാണെന്ന് ജില്ലാ കോണ്‍ഗ്രസ് കമ്മിറ്റി അഭിപ്രായപ്പെട്ടു. 31 ന് ഇന്ദിരാഗാന്ധി രക്തസാക്ഷിത്വ ദിനത്തില്‍ ജില്ലയിലെ മുഴുവന്‍ മണ്ഡലം കോണ്‍ഗ്രസ് കമ്മിറ്റികളുടെയും നേതൃത്വത്തില്‍ പദയാത്രകള്‍ സംഘടിപ്പിക്കാനും യോഗം തീരുമാനിച്ചു. ഡി.സി.സി പ്രസിഡന്റ് ഇ.മുഹമ്മദ്കുഞ്ഞി അധ്യക്ഷനായി.