അരീക്കോട്: സുബുലുസ്സലാം ഹയര്‍സെക്കന്‍ഡറി സ്‌സൂള്‍ മൂര്‍ക്കനാട് എന്‍.എസ്.എസിന്റെ നേതൃത്വത്തില്‍ കുതിരവട്ടം മാനസികാരോഗ്യ കേന്ദ്രത്തില്‍ ലോക മാനസികാരോഗ്യ ദിനം ആചരിച്ചു.
കൈതപ്രം ദാമോദരന്‍ നമ്പൂതിരിയുടെ നേതൃത്വത്തില്‍ സംഗീത സാന്ത്വന പരിപാടിയോടെയാണ് ദിനാചരണത്തിന് തുടക്കമായത്. ഡോ.എം.കെ മുനീര്‍ എം.എല്‍.എ പരിപാടി ഉദ്ഘാടനം ചെയ്തു. അടുത്തവര്‍ഷത്തോടെ കുതിരവട്ടം മാനസികാരോഗ്യ കേന്ദ്രം അന്തര്‍ദേശീയ തലത്തിലേക്ക് ഉയര്‍ത്തുമെന്നും ഇതിനായി 300 കോടി രൂപയുടെ പദ്ധതി ആരംഭിക്കും. ഇതിനുള്ള മാസ്റ്റര്‍ പ്ലാന്‍ തയാറായിവരുന്നുണ്ട്.
അടുത്ത വര്‍ഷത്തോടെ പ്രവൃത്തി ആരംഭിക്കുമെന്നും മുനീര്‍ പറഞ്ഞു. സാന്ത്വന സംഗീത പരിപാടിക്കു പുറമെ എല്‍.ഇ.ഡി ബള്‍ബ് നിര്‍മാണ പരിശീലനം, പൂന്തോട്ട നിര്‍മാണം എന്നിവയും സംഘടിപ്പിച്ചു. ഊര്‍ങ്ങാട്ടിരി പഞ്ചായത്ത് പ്രസിഡന്റ് എന്‍.കെ ഷൗക്കത്തലി, മാനസികാരോഗ്യകേന്ദ്രം സൂപ്രണ്ട് ഡോ.എന്‍ രാജേന്ദ്രന്‍ സംബന്ധിച്ചു.