കോഴിക്കോട്: യു.ഡി.എഫ് സൗത്ത് മണ്ഡലം സ്ഥാനാര്‍ഥി ഡോ. എം.കെ മുനീറിന്റെ രണ്ടാംദിന പര്യടനവും ആവേശകരമായി. വികസന നായകനെ കാണാനും അഭിവാദ്യം ചെയ്യാനും ഓരോ സ്വീകരണ കേന്ദ്രങ്ങളിലും പാതയോരങ്ങളിലും വന്‍ ജനക്കൂട്ടമാണ് എത്തിയത്. കോവൂരില്‍ രാവിലെ എട്ടരയോടെ ആരംഭിച്ച പര്യടനം രാത്രി ഒന്‍പതോടെ കാളൂര്‍ റോഡില്‍ നൂറുകണക്കിനുപേര്‍ പങ്കെടുത്ത പൊതുയോഗത്തോടെ സമാപിച്ചു. കോവൂരില്‍ മുതിര്‍ന്ന കോണ്‍ഗ്രസ് നേതാവ് വി. വിശ്വനാഥന്‍ മാസ്റ്റര്‍ ഉദ്ഘാടനം ചെയ്തു. പി.കെ പ്രശാന്ത് അധ്യക്ഷനായി. ഡി.സി.സി സെക്രട്ടറി എസ്.കെ അബൂബക്കര്‍, എം.എ നിസാര്‍, പി.ടി ആലി, ടി. മൊയ്തീന്‍കോയ, വി. റാസിഖ്, മനക്കല്‍ ശശി, അഡ്വ. പ്രശാന്ത് കുമാര്‍, കെ.പി പുഷ്പരാജ്, എം.പി അബ്ദുമോന്‍, സി.പി ഉസ്മാന്‍കോയ, വി.കെ ആലിക്കോയ, കെ. ശ്രീകുമാര്‍, സുന്ദര്‍ദാസ്, പി.പി ബാബു, പ്രകാശന്‍, അശ്‌റഫ് ഉമ്മത്തൂര്‍, അനീസ് ആദം, കെ.പി സുബൈര്‍, എം.ടി സേതുമാധവന്‍, പി.എം സുലൈമാന്‍, കെ.പി ഇബ്രാഹീം, കെ.പി നൗഫല്‍, നാസി പാളയം, മുല്ലശ്ശേരി ഗംഗാധരന്‍, റഹൂഫ് പന്നിയങ്കര സംസാരിച്ചു.