പെരിന്തല്‍മണ്ണ: പെരിന്തല്‍മണ്ണയിലും പരിസരങ്ങളിലും വിദ്യാര്‍ഥികള്‍ക്കും മറ്റും കഞ്ചാവ് വില്‍പന നടത്തിയിരുന്നയാള്‍ എക്‌സൈസ് പിടിയിലായി. പരിയാപുരം കണ്ണംതൊടി കാസിം(53)എന്നയാളെയാണ് പെരിന്തല്‍മണ്ണ റേഞ്ച് എക്‌സൈസ് സംഘം അറസ്റ്റ് ചെയ്തത്. ഇയാളില്‍ നിന്നും 130 പൊതിയായി 820 ഗ്രാം കഞ്ചാവ് പിടിച്ചെടുത്തു. തമിഴ് നാട്ടില്‍ നിന്നും കൊ@ണ്ട് വരുന്ന കഞ്ചാവ് നാല് ഗ്രാമുള്ള പൊതികളാക്കി പൊതി ഒന്നിന് 500 രൂപക്കാണ് ആവശ്യക്കാര്‍ക്ക് നല്‍കിയിരുന്നത്. പ്രതി ര@ണ്ടുവര്‍ഷമായി കഞ്ചാവ് കച്ചവടം നടത്തിവരികയാണെന്ന് പൊലിസിനോട് പറഞ്ഞു. കസ്റ്റഡിയിലുള്ള സമയത്ത് പ്രതിയുടെ ഫോണിലേക്ക് കഞ്ചാവിന് വേ@ണ്ടി നിരവധി കോളുകള്‍ വന്നതില്‍ പെരിന്തല്‍മണ്ണ ടൗണ്‍ പരിസരത്ത് നിന്നും നാലുപേരെ കസ്റ്റഡിയിലെടുത്ത് വീട്ടുകാരെ അറിയിച്ച് താക്കീത് നല്‍കി വിട്ടയച്ചു. പ്രതിക്ക് കഞ്ചാവ് മൊത്തമായി ലഭിക്കുന്ന തമിഴ്‌നാട്ടിലെ പൊള്ളാച്ചി കേന്ദ്രീകരിച്ച് തുടര്‍ അന്വേഷണം നടത്താന്‍ എക്‌സൈസ് നീക്കം തുടങ്ങി. സി.എ മാത്യൂ, ടി.മൊയ്തു, സജയകുമാര്‍, കെ.എം ശിവപ്രകാശ്, പ്രത്യൂഷ്, എന്നിവര്‍ സംഘത്തിലു@ണ്ടായിരുന്നു.