പെരളശേരി: ചിരത്തുകണ്ടിയിലെ അഴീക്കോടന്‍സ്മാരക കലാകേന്ദ്രത്തിനു നേരേ സാമൂഹ്യവിരുദ്ധരുടെ ആക്രമണം. ഇന്നലെ പുലര്‍ച്ചെ കെട്ടിടത്തിന്റെ മൂന്ന് ജനല്‍പാളികള്‍ അജ്ഞാതര്‍ കല്ലെറിഞ്ഞു തകര്‍ത്തു. കെട്ടിടത്തിന്റെ മേല്‍നിലയിലാണ് സി.പി.എം ചിരത്തുങ്കണ്ടി ബ്രാഞ്ച് ഓഫിസ് പ്രവര്‍ത്തിക്കുന്നത്. ചക്കരക്കല്‍ എസ്.ഐ ബിജുവിന്റെ നേതൃത്വത്തില്‍ പൊലിസ് അന്വേഷണമാരംഭിച്ചു. സി.പി.എം നേതാക്കളായ കെ.കെ നാരായണന്‍, കെ.വി ബാലന്‍, എം.കെ മുരളി, പി. രഘു എന്നിവര്‍ സന്ദര്‍ശിച്ചു.