കണ്ണൂര്‍: കണ്ണൂര്‍ ആസ്ഥാനമായി പ്രവര്‍ത്തിക്കുന്ന ഫാത്തിമ ഗ്രൂപ്പിന്റെ ബിസിനസ് വൈവിദ്യവത്കരണത്തിന്റെ ഭാഗമായി നിലവില്‍വന്ന ഫാത്തിമ റിയല്‍ടേഴ്‌സിന്റെ ഉദ്ഘാടനം താവക്കര കെ.കെ ട്രേഡ് സെന്ററില്‍ മേയര്‍ ഇ.പി ലത നിര്‍വഹിച്ചു. കാസമിയ വില്ല പ്രോജക്ടിന്റെയും ടൗണ്‍ സെന്റര്‍ ഷോപ്പിങ് കം ബിസിനസ് ഹോട്ടല്‍ പദ്ധതിയുടെയും ലോഗോ പ്രകാശനം മന്ത്രി കടന്നപ്പള്ളി രാമചന്ദ്രന്‍ നിര്‍വഹിച്ചു. റാഫി എളമ്പാറ അധ്യക്ഷനായി. ഡെപ്പ്യൂട്ടി മേയര്‍ പി.കെ രാഗേഷ്, മട്ടന്നൂര്‍ നഗരസഭ ചെയര്‍മാന്‍ ഭാസ്‌കരന്‍, ടി.ഒ മോഹനന്‍, സാബു ചെറിയാന്‍, സി.വി ദീപക്, ബിജു ഉമ്മര്‍, എ മുഹമ്മദ് അഷ്‌റഫ് സംസാരിച്ചു.