ന്യൂഡല്‍ഹി: സാമ്പത്തിക വര്‍ഷത്തിന്റെ രണ്ടാം പാദത്തില്‍ വിവിധ പദ്ധതികള്‍ക്കായി വന്‍ നിക്ഷേപത്തിനൊരുങ്ങി ബി.എസ്.എന്‍.എല്‍. വൈഫൈ ഹോട്ട്‌സ്‌പോട്ട്്, മൊബൈല്‍ ടവര്‍ സ്ഥാപിക്കല്‍, നെറ്റ്‌വര്‍ക്ക് വികസനം തുടങ്ങിയ പദ്ധതികള്‍ക്കായി 2500 കോടി രൂപയാണ് നിക്ഷേപിക്കുക.

ഇടതു തീവ്രവാദീ മേഖലകളിലാണ് ടവര്‍ സ്ഥാപിക്കുക. സര്‍ക്കാരാണ് ഇതിനുവേണ്ട ഫണ്ട് വഹിക്കുന്നത്. ഒപ്റ്റിക്കല്‍ ഫൈബര്‍ സംവിധാനം വിപുലപ്പെടുത്തി വൈഫൈ ഹോട്ട്‌സ്‌പോട്ട്്, ജി.എസ്.എം നെറ്റ്‌വര്‍ക്ക് സംവിധാനങ്ങള്‍ ശക്തിപ്പെടുത്തും.

ജി.എസ്.എം വിപുലീകരണത്തിന്റെ ഭാഗമായി 20,000 ബി.ടി.എസ് സ്ഥാപിക്കും. ഇതില്‍ അധികവും ഒക്ടോബര്‍- മാര്‍ച്ച്് കാലയളവില്‍ പൂര്‍ത്തീകരിക്കും.

രാജ്യത്ത് ഇപ്പോള്‍ 2700 സ്ഥലത്താണ് വൈഫൈ ഹോട്ട്‌സ്‌പോട്ട് സംവിധാനങ്ങളാണുള്ളത്. 2018 ഓടെ ഇത് 40,000 സ്ഥലങ്ങളിലേക്ക് വ്യാപിപ്പിക്കുകയാണ് ലക്ഷ്യം.