ജനീവ: സാഹിത്യത്തിനുള്ള നോബേല്‍ പുരസ്‌കാരം ബോബ് ഡിലന്‍ സ്വന്തമാക്കി. അമേരിക്കന്‍ കവിയും ഗായകനും എഴുത്തുകാരനുമാണ് എഴുപത്തഞ്ച്കാരനായ ബോബ് ഡിലന്‍.

അമേരിക്കന്‍ കാവ്യശാഖയ്ക്ക് നല്‍കിയ സമഗ്ര സംഭാവനകള്‍ പരിഗണിച്ചാണ് ഡിലന് നോബേല്‍പുരസ്‌കാരം സമ്മാനിക്കുന്നത്.

യുഎസ് പോപ് സംഗീതത്തിലെ ഇതിഹാസമായ ബോബ് ഡിലന്‍, കവി, പാട്ടുകാരന്‍, എഴുത്തുകാരന്‍ എന്നീ മേഖലകളിലും വ്യക്തിമുദ്ര ചാര്‍ത്തിയട്ടുണ്ട്.

ഗ്രാമി, ഗോള്‍ഡന്‍ ഗ്ലോബ്, ഓസ്‌കര്‍, പുലിറ്റ്‌സര്‍ പുരസ്‌കാരങ്ങള്‍ മുമ്പുതന്നെ ബോബ് ഡിലന് കരസ്ഥമാക്കിയിട്ടുണ്ട്.

ഇഗ്ലീഷ് ഭാഷാ ചരിത്രത്തിലെ മഹാനായ കവിയാണ് ബോബ് ഡിലനെന്ന് സ്വീഡിഷ് അക്കാദമി സെക്രട്ടറി സാറാ ഡാനിയസ് പറഞ്ഞു.

അമേരിക്കന്‍ കാവ്യ ലോകത്തില്‍ പുതിയ ഒരു ശൈലിയാണ് ബോബ് കൊണ്ടുവന്നത്.

1941 ല്‍ ജനിച്ച ബോബ് 1959 മിനാസോട്ടയിലെ കോഫി ഹൗസില്‍ നാടകത്തില്‍ ഗാനമവതരിപ്പിച്ചാണ് സംഗീത ലോകത്തേക്ക് കടന്നത്.