മലപ്പുറം: പൊന്മളയില്‍ പഞ്ചായത്തിന്റെയും പ്രാഥമികാരോഗ്യ കേന്ദ്രത്തിന്റെയും ആഭിമുഖ്യത്തില്‍ നടത്തുന്ന മഴക്കാല പൂര്‍വ ശുചീകരണ യജ്ഞം പഞ്ചായത്ത് പ്രസിഡന്റ് കെ. മൊയ്തീന്‍ ഉദ്ഘാടനം ചെയ്തു. സ്ഥിരസമിതി അധ്യക്ഷന്‍ മുഹമ്മദ് മുസ്തഫ അധ്യക്ഷനായി. പൊന്മള പി.എം.എസ്.എ വൊക്കേഷനല്‍ ഹയര്‍സെക്കന്‍ഡറി സ്‌കൂളിലെ എന്‍.എസ്.എസ്, സ്‌കൗട്ട്, ജെ.ആര്‍.സി വിഭാഗങ്ങളുടെ സഹകരണത്തോടെയാണ് പൊതു സ്ഥലങ്ങളിലും വീടുകളിലും ശുചീകരണം നടത്തുന്നത്. മെഡിക്കല്‍ ഓഫീസര്‍ ഡോ. അബ്ദുല്‍ ജലീല്‍, ജൂനിയര്‍ ഹെല്‍ത്ത് ഇന്‍സ്‌പെക്ടര്‍മാരായ കെ.സി ദേവാനന്ദ്, സുരഭി, പ്രിന്‍സിപ്പല്‍ സി.ജെ മാത്യു, ഹൈസ്‌കൂള്‍ പ്രിന്‍സിപ്പല്‍ സി. ജിഷ, പ്രോഗ്രാം ഓഫീസര്‍ സി.ടി ഷംസുദ്ദീന്‍ സംസാരിച്ചു.