കരിന്തളം: ജനകീയ പ്രക്ഷോഭത്തെത്തുടര്‍ന്നു അവസാനിപ്പിച്ച കരിന്തളം തലയടുക്കം ഖനനം ചിലരുടെ സമ്മര്‍ദ്ദത്തിനു വഴങ്ങി പുനരാരംഭിക്കാനുള്ള മന്ത്രി ഇ.പി ജയരാജന്റെ ശ്രമം ലജ്ജാകരമാണെന്നു ഫെല്‍ഫെയര്‍ പാര്‍ട്ടി കിനാനൂര്‍ കരിന്തളം പഞ്ചായത്തു കമ്മിറ്റി അഭിപ്രായപ്പെട്ടു. തൊഴിലാളികളെ പുനരധിവസിപ്പിക്കാന്‍ മണ്ണിനും മനുഷ്യനും ദോഷകരമല്ലാത്ത വൈവിധ്യവല്‍ക്കരണമാണു ആവശ്യമെന്നും യോഗം വിലയിരുത്തി. ജില്ലാ ജനറല്‍ സെക്രട്ടറി സി.എച്ച് ബാലകൃഷ്ണന്‍ ഉദ്ഘാടനം ചെയ്തു. കെ ബാലന്‍ അധ്യക്ഷനായി. പി.കെ അബ്ദുല്ല, കെ രാജന്‍, കുഞ്ഞികൃഷ്ണന്‍, എ.പി ജോസ്, സഫിയ ശെഫീഖ് സംസാരിച്ചു.