മുളിയാര്‍: ഹൈദരാബാദില്‍ നടന്ന അറുപത്തിരണ്ടാമത് ദേശീയ തൈക്കോണ്ട മത്സരത്തില്‍ രണ്ടാം സ്ഥാനത്തോടെ മെഡല്‍ നേടിയ ബോവിക്കാനം എ.യു.പി.സ്‌കൂള്‍ ആറാം തരം വിദ്യാര്‍ഥിനി ചന്ദനയെ ബോവിക്കാനം തേജസ് റസിഡന്‍ഷ്യല്‍ കോളനി അസോസിയേഷന്‍ ബോവിക്കാനം കവലയില്‍ സംഘടിപ്പിച്ച സ്വീകരണ പരിപാടിയില്‍ അനുമോദിച്ചു. ഉദുമ എം.എല്‍.എ കെ കുഞ്ഞിരാമന്‍ ചടങ്ങ് ഉല്‍ഘാടനം ചെയ്തു. പ്രസിഡന്റ് ടി.ഒ ജോണ്‍ ചടങ്ങില്‍ അധ്യക്ഷനായി. ജനറല്‍ സെക്രട്ടറി ബി.സി.കുമാരന്‍, അസോസിയേഷന്റെ ഉപഹാരം ചന്ദനക്ക് എം.എല്‍.എ കൈമാറി. പഞ്ചായത്തംഗം അനീസ മന്‍സൂര്‍ മല്ലത്ത്, ദാമോദരന്‍, ഗണേഷ് നായക്, സാവിത്രി രാഘവന്‍, ശോഭന, പരിശീലകന്‍ മുരളി സംസാരിച്ചു.