തൃക്കരിപ്പൂര്‍: എസ്.കെ.എസ്.എസ്.എഫ് പടന്ന കാലിക്കടവ് ഖുര്‍ആന്‍ സ്റ്റഡി സെന്ററിന്റെ ദശ വാര്‍ഷിക സമ്മേളനത്തിന് പടന്ന കാലിക്കടവ് പ്രത്യേകം സജ്ജമാക്കിയ ഇ.കെ അബൂബക്കര്‍ മുസ്‌ലിയാര്‍ നഗറില്‍ ഇന്നു തുടക്കം. മുന്നു ദിവസങ്ങളിലായി നടക്കുന്ന സമ്മേളനത്തില്‍ പതാക ദിനം, ഉദ്ഘാടന സമ്മേളനം, സിയാറത്ത്, വനിതാസംഗമം, സ്റ്റുഡന്‍സ് കോണ്‍ഫ്രന്‍സ്, പ്രവാസി മീറ്റ്, മജ്‌ലിസുന്നൂര്‍, കൂട്ടുപ്രാര്‍ഥന, സമാപന സമ്മേളനം എന്നിവ നടക്കും. ഇന്ന് ഉച്ചകഴിഞ്ഞ് രണ്ടിന് കെ.സി അബൂബക്കര്‍ മുസ്‌ലിയാരുടെ പ്രാര്‍ഥനക്ക് ശേഷം എന്‍.ബി അബ്ദുല്ല ഹാജി പതാക ഉയര്‍ത്തും. സമസ്ത കേരള ജംഇയ്യത്തുല്‍ ഉലമ ജന. സെക്രട്ടറി പ്രൊഫ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. എസ്.കെ.എസ്.എസ്.എഫ് സംസ്ഥാന വൈസ്പ്രസിഡന്റ് മുസ്തഫ അഷ്‌റഫി കക്കുപ്പടി ഐ.എസ്, സലഫിസം, ഫാസിസം എന്ന വിഷയത്തില്‍ പ്രഭാഷണം നടത്തും. നാളെ രാവിലെ 10ന് വനിതാസംഗമം. വൈകീട്ട് ഏഴിന് ഷൗക്കത്തലി വെള്ളമുണ്ട വിചാരണയുടെ നാളുകള്‍ എന്ന വിഷയത്തില്‍ പ്രഭാഷണം നടത്തും. തുടര്‍ന്ന് പാണക്കാട് സയ്യിദ് റഷീദലി ശിഹാബ് തങ്ങളുടെ നേതൃത്വത്തില്‍ സ്വലാത്ത് ദുആ മജ്‌ലിസ് നടക്കും. ഞായഴ്ച്ച നടക്കുന സമാപന സമ്മേളനം പാണക്കാട് സയ്യിദ് സ്വദിഖലി ശിഹാബ് തങ്ങള്‍ ഉദ്ഘാടനം ചെയ്യും. പാണക്കാട് സയ്യിദ് ബഷീറലി ശിഹാബ് തങ്ങള്‍ മുഖ്യാതിഥിയായിരിക്കും. എസ്.വൈസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നടത്തും. ഹമീദ് ഫൈസി അമ്പല്ലക്കടവ് തുടങ്ങിയവര്‍ സംബന്ധിക്കും.