ഷൊര്‍ണൂര്‍: ഷൊര്‍ണൂര്‍ മണ്ഡലം യു.ഡി.എഫ് സ്ഥാനാര്‍ത്ഥി സി സംഗീതയുടെ ഷൊര്‍ണൂര്‍ മിനിസിപ്പല്‍ മേഖലയിലെ പര്യടനത്തിന് പ്രസംഗിക്കാന്‍ അനാമികയെത്തി. കണ്ണൂര്‍ ധര്‍മ്മടം സ്വദേശി 11 വയസ്സുകാരി അനാമികയുടെ പ്രസംഗം കേള്‍ക്കാന്‍ ഓരോ കേന്ദ്രങ്ങളിലും ആളുകള്‍ തടിച്ചുകൂടിയത് വ്യത്യസ്ത അനുഭവമായി. മുതലിയാര്‍ തെരുവിലും മഞ്ഞക്കാവ് സെന്ററിലുമാണ് അനാമികയുടെ പ്രസംഗം നടന്നത്. കുറ്റിക്കാട് കോളനിയില്‍വെച്ച് മുന്‍സിപ്പല്‍ പര്യടനത്തിന്റെ ഉദ്ഘാടനം ചാണ്ടി ഉമ്മന്‍ നിര്‍വ്വഹിച്ചു. വി.കെ.ശ്രീകൃഷ്ണന്‍, ഷൊര്‍ണൂര്‍ വിജയന്‍, ടി.കെ.ബഷീര്‍ എന്നിവര്‍ സ്ഥാനാര്‍ത്ഥി സംഗീതയെ അനുഗമിച്ചു. എല്‍.ഡി.എഫ് സ്ഥാനാര്‍ത്ഥി പി.കെ.ശശിയും ഷൊര്‍ണൂര്‍ മേഖലയില്‍ പര്യടനം നടത്തി. എം.ആര്‍.മുരളി, എസ്.കൃഷ്ണദാസ്, എ.കെ.ജയപ്രകാശ്, മുകേഷ് എന്നിവര്‍ അനുഗമിച്ചു.