മഞ്ചേശ്വരം: കല്ലേറിനെത്തുടര്‍ന്ന് കെ.എസ്.ആര്‍.ടി.സി ബസിന്റെ ഗ്ലാസ് തകര്‍ന്നു.
സംഭവത്തില്‍ ഡ്രൈവര്‍ക്ക് പരുക്കേറ്റു. മംഗളുരുവില്‍ നിന്നു കാസര്‍കോട്ടേക്ക് വരുകയായിരുന്ന കേരള എസ്.ആര്‍.ടി.സി ബസിനു നേരെയാണ് കല്ലേറുണ്ടായത്.
കഴിഞ്ഞ ദിവസം രാത്രി 9.45 ഓടെ തലപ്പാടിയില്‍ വച്ചാണ് സംഭവം. ഡ്രൈവര്‍ കോഴിക്കോട് സ്വദേശി ഇ.കെ മുഹമ്മദ് ഷഫീഖി(42)നാണ് നിസാര പരുക്കേറ്റത്. ബൈക്കിലെത്തിയ രണ്ടംഗസംഘമാണ് കല്ലേറിന് പിന്നിലെന്നാണ് പൊലിസ് നിഗമനം.