ദേശീയപാതയിലും സംസ്ഥാന പാതയിലും ഒറ്റപ്പെട്ട വാഹനങ്ങള്‍ മാത്രമാണ് ഓടിയത്. ഇതേത്തുടര്‍ന്ന് നിരവധി പേര്‍ വഴിയില്‍ കുടുങ്ങി. ഇതര സംസ്ഥാനങ്ങളില്‍ നിന്നുള്‍പ്പെടെ ഹര്‍ത്താല്‍ വിവരം അറിയാതെ ജില്ലയിലെത്തിയ ചരക്കു ലോറികള്‍ ഉള്‍പ്പെടെയാണ് ഹര്‍ത്താലനുകൂലികള്‍ തടഞ്ഞു വച്ചത്. കാസര്‍കോട് ചന്ദ്രഗിരി പാലത്തിന് സമീപം അതിരാവിലെ തന്നെ ബി.ജെ.പി പ്രവര്‍ത്തകര്‍ വാഹനങ്ങളെ തടഞ്ഞിരുന്നു. ക്രമസമാധാന പ്രശ്‌നങ്ങള്‍ ഉണ്ടാകുമെന്ന സൂചനയെതുടര്‍ന്ന് ജില്ലയിലെ സി.പി.എം - ബി.ജെ.പി ശക്തികേന്ദ്രങ്ങളില്‍ പൊലിസ് അതീവ ജാഗ്രത പാലിച്ചു. സംഘര്‍ഷ സാധ്യതയുള്ള മേഖലകളില്‍ കൂടുതല്‍ പൊലിസിനെ വിന്യസിച്ചു. അവിചാരിതമായുണ്ടായ ഹര്‍ത്താല്‍ ജനങ്ങളെ കടുത്ത ദുരിതത്തിലാഴ്ത്തി.