ഗുരുവായൂര്‍: പീഡനകേസില്‍ ജാമ്യത്തിലറങ്ങി മുങ്ങിയ പ്രതിയെ നാലുവര്‍ഷത്തിന്‌ശേഷം ഗുരുവായൂര്‍ പൊലിസ് അറസ്റ്റ് ചെയ്തു. ഇടുക്കി രാജാക്കാട് ചക്കരമുക്ക് കുരുവിക്കാട്ടില്‍ മധു (44)വിനെയാണ് വയനാട് ബത്തേരിയില്‍ നിന്ന് ഗുരുവായൂര്‍ സി.ഐ. ഇ.ബാലകൃഷ്ണന്റെ നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്. 2012ല്‍ ഗുരുവായൂരിലെ ലോഡ്ജില്‍ വച്ച് പെണ്‍കുട്ടിയെ പീഡിപ്പിച്ചശേഷം സ്വര്‍ണാ'രണങ്ങള്‍ കൈക്കലാക്കി കടന്നുകളയുകയായിരുന്നു. തുടര്‍ന്ന് പൊലിസ് അറസ്റ്റ് ചെയ്ത് കോടതിയില്‍ ഹാജരാക്കിയെങ്കിലും ജാമ്യത്തിലറങ്ങിയശേഷം മുങ്ങുകയായിരുന്നുവെന്ന് പൊലിസ് പറഞ്ഞു. എ.എസ്.ഐ ഒ.വി.ഉണ്ണികൃഷ്ണന്‍, സീനിയര്‍ സി.പി.ഒ പി.എസ്.അനില്‍കുമാര്‍ എന്നിവരും പ്രതിയെ അറസ്റ്റു ചെയ്ത സംഘത്തിലുണ്ടായിരുന്നു.