പടിഞ്ഞാറങ്ങാടി: കൂടല്ലൂരിന്നും മണ്ണിയംപെരുമ്പലത്തിന്നും ഇടയില്‍ പട്ടിപ്പാറ റോഡിന് സമീപം നിയന്ത്രണം വിട്ട ഓട്ടോ മറിഞ്ഞ് രണ്ടു പേര്‍ക്ക് പരുക്കേറ്റു. ഒരാള്‍ക്ക് ഗുരുതരമാണ്. ആലൂര്‍ മൂര്‍ക്കത്താഴത്ത് മുഹമ്മദ് മുസ്‌ലിയാരുടെ മകന്‍ റസാഖ്, സൗത്ത് ചിറ്റപ്പുറത്ത് താമസിക്കുന്ന പത്തായപ്പുരയില്‍ സൈതലവി മകന്‍ ഫാസില്‍ എന്നിവര്‍ക്കാണ് പരുക്കേറ്റത്. ഇതില്‍ ഫാസിലിന്റെ പരുക്ക് ഗുരുതരമാണ്. രണ്ട് തോളെല്ലുകളും, വാരിയെല്ലുകളും പൊട്ടുകയും, ശ്വാസകോശത്തിന്ന് ദ്വാരംവീഴുകയും ചെയ്തിട്ടുണ്ട്. ഇരുവരേയും തൃശൂര്‍ അമല ഹോസ്പിറ്റലില്‍ പ്രവേശിപ്പിച്ചു.
ഫാസില്‍ അമല ഹോസ്പിറ്റലിലെ തീവ്ര പരിചരണ വിഭാഗത്തിലാണ്. ബുധനാഴ്ച്ച വൈകുന്നേരം ഒന്‍പതോടു കൂടിയാണ് അപകടം നടന്നത്. റസാഖിന്റെ ജേഷ്ഠ സ്‌നേഹിതന്റെ വീട്ടില്‍ പോയി ചിറ്റപ്പുറത്തേക്ക് തിരിച്ചു വരികയായിരുന്നു ഇരുവരും. നായ കുറുകെ ചാടിയതതാണ് നിയന്ത്രണം വിടാനുണ്ടായ കാരണം.