കൊച്ചി: ബന്ധുനിയമന വിവാദത്തില്‍ ജുഡിഷ്യല്‍ അന്വേഷണം വേണമെന്ന് കേരളാ കോണ്‍ഗ്രസ് ചെയര്‍മാന്‍ പി.സി തോമസ് വാര്‍ത്താസമ്മേളനത്തില്‍ പറഞ്ഞു. മന്ത്രി ഇ.പി ജയരാജന്‍ രാജിവച്ചാലും ബന്ധുനിയമനം മൂലമുണ്ടായിരിക്കുന്ന പ്രശ്‌നങ്ങള്‍ അവസാനിക്കില്ല. കണ്ണൂരില്‍ നടക്കുന്ന കൊലപാതകങ്ങള്‍ സംബന്ധിച്ച് സി.ബി.ഐ അന്വേഷണം വേണം.
കൊലപാതക രാഷ്ട്രീയം ആരു നടത്തിയാലും അത് അംഗീകരിക്കാന്‍ കഴിയില്ലെന്നും അദ്ദേഹം പറഞ്ഞു. വാര്‍ത്താസമ്മേളനത്തില്‍ കേരളാ കോണ്‍ഗ്രസ് ജില്ലാ പ്രസിഡന്റ് സജി തുരുത്തിക്കുന്നേല്‍, അനില്‍ കുളങ്ങരക്കാട്ട് എന്നിവരും പങ്കെടുത്തു.