26378 പേര്‍ക്ക് ഉപരി പഠന യോഗ്യത 867 പേര്‍ക്കു എല്ലാ വിഷയത്തിലും എ പ്ലസ് വി.എച്ച്.എസ.്ഇയില്‍ 81.22 ശതമാനം തിരുവനന്തപുരം: ഈ വര്‍ഷത്തെ ഹയര്‍സെക്കന്ററി പരീക്ഷയില്‍ തലസ്ഥാന ജില്ലയ്ക്ക് 80.44 ശതമാനം വിജയം. വി.എച്ച്.എസ്.ഇയില്‍ 81.22 ശതമാനമാണ് വിജയം. പ്ലസ്ടുവിന് എല്ലാ വിഷയത്തിനും എ പ്ലസ് നേടിയത് 867 പേര്‍മാത്രം. 174 സ്‌കൂളുകളിലായി 33075 വിദ്യാര്‍ഥികള്‍ രജിസ്റ്റര്‍ ചെയ്തിരുന്നെങ്കിലും 32,794 പേര്‍ മാത്രമാണ് പരീക്ഷയെഴുതിയത്. ഇതില്‍ 26378 പേര്‍ ഉപരിപഠനത്തിന് യോഗ്യതനേടി. വി.എച്ച്.എസ്.ഇയില്‍ 3094 പേര്‍ പരീക്ഷയെഴുതിയതില്‍ 2477 പേര്‍ ഉപരിപഠനത്തിന് അര്‍ഹത നേടി. ആറ്റിങ്ങല്‍ ബോയ്‌സ് വി.എച്ച്.എസ.്എസിലെ ജെ എ ഗോകുലിന് മാത്രമാണ് മുഴുവന്‍ വിഷയങ്ങളിലും എ പ്ലസ് ലഭിച്ചത്. നൂറുമേനി വിജയം കരസ്ഥമാക്കി ജഗതി ഗവ. ഡഫ് വി.എച്ച്.എസ്.എസ് ജില്ലയുടെ അഭിമാനമായി. ടെക്‌നിക്കല്‍ സ്‌കൂളുകളിലെ 132 വിദ്യാര്‍ഥികള്‍ രജിസ്റ്റര്‍ ചെയ്തതില്‍ 77 പേര്‍ക്കു മാത്രമാണ് ഉപരിപഠനത്തിന് യോഗ്യത ലഭിച്ചത്. ഒരാള്‍ക്കുപോലും മുഴുവന്‍ വിഷയത്തിനും എ പ്ലസ് ലഭിച്ചില്ല. വിജയശതമാനം 58.33. ജില്ലയിലെ ഓപ്പണ്‍ സ്‌കൂളുകളിലെ വിജയ ശതമാനവും പരിതാപകരമാണ്. 4903 വിദ്യാര്‍ഥികള്‍ രജിസ്റ്റര്‍ ചെയ്തതില്‍ 4757 പേര്‍ മാത്രമേ പരീക്ഷ എഴുതിയുള്ളു. ഇതില്‍ 1958 വിദ്യാര്‍ഥികള്‍ക്ക് ഉപരിപഠനത്തിന് അര്‍ഹത ലഭിച്ചു. ഒരാള്‍ക്ക് മാത്രമാണ് എല്ലാ വിഷയത്തിനും എ പ്ലസ് ലഭിച്ചത്. വിജയം 41.16 ശതമാനം. കോട്ടണ്‍ഹില്‍ ജിഎച്ച്എസ്എസില്‍ പരീക്ഷയെഴുതിയ 665 പേരില്‍ 546 പേര്‍ വിജയിച്ചു. 27 പേര്‍ക്ക് മുഴുവന്‍ വിഷയങ്ങളിലും എ പ്ലസ് ലഭിച്ചു.