എളേറ്റില്‍: മരത്തില്‍ നിര്‍മിച്ച ഇലക്ട്രിക് പോസ്റ്റുകളുടെ അടിഭാഗം ദ്രവിച്ചതിനാല്‍ മാറ്റിസ്ഥാപിക്കാത്തത്  ഭീഷണിയാവുന്നു. ഉണ്ണികുളം ഇലക്ട്രിസിറ്റി സെക്ഷന്‍ പരിധിയില്‍ വരുന്ന ചളിക്കോട് അങ്ങാടി, കാഞ്ഞിരത്താം പൊയില്‍, പുളിയുള്ളതില്‍ എന്നിവിടങ്ങളിലെ ഇലക്ട്രിക് പോസ്റ്റുകളാണ് കാലപ്പഴക്കം കാരണം അടിഭാഗം ദ്രവിച്ചിരിക്കുന്നത്.
ചളിക്കോട് അങ്ങാടിയിലെ വര്‍ക്ക് ഷോപ്പിന് സമീപത്തും റേഷന്‍ കടക്ക് സമീപത്തുമുള്ള പോസ്റ്റുകളാണ് ഏത് നിമിഷവും നിലംപൊത്താറായ നിലയിലുള്ളത്. ബന്ധപ്പെട്ട ഉദ്യോഗസ്ഥരുടെ ശ്രദ്ധയില്‍ പെടുത്തിയിട്ടും പോസ്റ്റുകള്‍ മാറ്റാനുള്ള നടപടികള്‍ ഇതുവരെ സ്വീകരിച്ചിട്ടില്ല.