കല്‍പ്പറ്റ: നമുക്ക് ജാതിയില്ല വിളംബരം ജില്ലാതല ഉദ്ഘാടനത്തിന്റെ ഭാഗമായി ജില്ലയിലെ മൂന്ന് താലൂക്ക് ആസ്ഥാനങ്ങളിലും ലൈബ്രറി കൗണ്‍സിലിന്റെ ആഭിമുഖ്യത്തില്‍ വിളംബര ജാഥ നടത്തി.
കല്‍പ്പറ്റയില്‍ വൈത്തിരി ജവഹര്‍ വിദ്യാലയ പരിസരത്തു നിന്നും തുടങ്ങിയ ബൈക്ക് റാലി കല്‍പ്പറ്റ ശക്തി ഗ്രന്ഥാലയ പരിസരത്ത് സമാപിച്ചു. താലൂക്ക് ലൈബ്രറി കൗണ്‍സില്‍ പ്രസിഡന്റ് എ.കെ മത്തായി ഫ്‌ളാഗ് ഓഫ് ചെയ്തു. പി.കെ ബാബുരാജ് അധ്യക്ഷനായി.
അമ്പതോളം ബൈക്കുകള്‍ റാലിയില്‍ പങ്കെടുത്തു. സുല്‍ത്താന്‍ ബത്തേരിയില്‍ ലൈബ്രറി കൗണ്‍സില്‍ ജില്ലാ പ്രസിഡന്റ് ടി.ബി സുരേഷ് വിളംബര ജാഥ ഫ്‌ളാഗ് ഓഫ് ചെയ്തു. താലൂക്ക് സെക്രട്ടറി പി.കെ സത്താര്‍, എം.എ വിശ്വഥന്‍ മാസ്റ്റര്‍, പി.കെ നളരാജന്‍, മാഗി വിന്‍സന്റ്, എ ചന്ദ്രബാബു സംസാരിച്ചു.
മാനന്തവാടിയില്‍ താലൂക്ക് ലൈബ്രറി കൗണ്‍സില്‍ പ്രസിഡന്റ് പി.എ അബ്ദുള്‍ അസീസ് റാലി ഫ്‌ളാഗ് ഓഫ് ചെയ്തു. സെക്രട്ടറി എ അജയകുമാര്‍ അധ്യക്ഷനായി.