ദേവര്‍ഷോല: സ്വകാര്യ എസ്റ്റേറ്റിലെ തൊഴിലാളിയെ പുലി ആക്രമിച്ചു. പരുക്കേറ്റ യുവതിയെ ഗൂഡല്ലൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. ഒറ്റുവയല്‍ മാണിമൂല ആദിവാസി കോളനിയിലെ മാതന്റെ ഭാര്യ മേരി(42)ക്കാണ് പരുക്കേറ്റത്.
എസ്റ്റേറ്റിലെ ജോലിക്കിടെയാണ് ഇവരെ പുലി ആക്രമിച്ചത്. ഇന്നലെ രാവിലെ പത്തോടെയാണ് സംഭവം.
കൂടെയുള്ള തൊഴിലാളികള്‍ ശബ്ദമുണ്ടാക്കിയതോടെ പുലി പിന്തിരിയുകയായിരുന്നു.
ഗൂഡല്ലൂര്‍ റെയിഞ്ചര്‍ ശെല്‍വരാജിന്റെ നേതൃത്വത്തിലുള്ള വനപാലക സംഘം സ്ഥലത്തെത്തി പരിശോധന നടത്തി.
വനംവകുപ്പ് സ്ഥലത്ത് നിരീക്ഷണം നടത്തുന്നുണ്ട്. സംഭവത്തെ തുടര്‍ന്ന് എസ്റ്റേറ്റില്‍ അധികൃതര്‍ ഇല പറിക്കല്‍ താല്‍ക്കാലികമായി നിര്‍ത്തിവച്ചിട്ടുണ്ട്.