പുലാമന്തോള്‍: കോയമ്പത്തൂരില്‍ നടന്ന 16ാമത് സബ്ജൂനിയര്‍ നാഷണല്‍ വുഷു ചാംപ്യന്‍ഷിപ്പില്‍ കേരളത്തിന് വേണ്ടി മത്സരിച്ച പുലാമന്തോള്‍ ഐ.ഡി.കെ യിലെ വിദ്യാര്‍ഥികളായ ഗ്രീഷ്മ, മുഹമ്മദ് ജാസില്‍, അഭില്‍ജിത്ത്, നയന മനു എന്നി വിദ്യാര്‍ഥികള്‍ക്ക് ജന്മനാട്ടില്‍ സ്വീകരണം നല്‍കി.
ചെറുകര റെയില്‍വേ സ്റ്റേഷനില്‍ എത്തിയ താരങ്ങളെ പുലാമന്തോള്‍ പഞ്ചായത്ത് പ്രസിഡന്റ് മുഹമ്മദ് ഹനീഫ, അംഗം ഇ. രാജേഷ്, ഏലംകുളം പഞ്ചായത്തംഗം തെക്കേതില്‍ ശൈഷാദ് എന്നിവര്‍ ചേര്‍ന്ന് സ്വീകരിച്ചു.ജില്ലയില്‍ ഓവറോള്‍ ചാംപ്യന്മാരായ ശേഷം സംസ്ഥാന തലത്തിലും 111 പോയിന്റുകള്‍ നേടിയാണ് പുലാമന്തോള്‍ ഐ.ഡി.കെ യിലെ വിദ്യാര്‍ഥികളെ നാഷണല്‍ വുഷു ചാംപ്യന്‍ഷിപ്പിലേക്ക് തെരഞ്ഞെടുക്കപ്പെട്ടത്.