എടപ്പാള്‍: ബി.ജെ.പി സംസ്ഥാന വ്യാപകമായി നടത്തിയ ഹര്‍ത്താല്‍ എടപ്പാള്‍ മേഖലയില്‍ പൂര്‍ണം. കടകമ്പോളങ്ങള്‍ അടഞ്ഞുകിടന്നു. ഇരുചക്രവാഹനങ്ങള്‍ ഒഴികെയുള്ള വാഹനങ്ങള്‍ പ്രവര്‍ത്തകര്‍ തടഞ്ഞു. റോഡിന് നടുവില്‍  സ്ഥാപിച്ച ഡിവൈഡറുകള്‍ റോഡിന് കുറുകെയിട്ടാണ് പ്രവര്‍ത്തകര്‍  തടസ്സം സൃഷ്ടിച്ചത്.
ചങ്ങരംകുളം പൊലിസെത്തിയാണ് ഡിവൈഡറുകള്‍ നീക്കിയത്. പിന്നീട് പ്രവര്‍ത്തകര്‍  വാഹനങ്ങള്‍ കടത്തിവിട്ടു. മലപ്പുറം, പാലക്കാട് ജില്ലാ അതിര്‍ത്തിയായ നീലിയാട്ടിലും പ്രവര്‍ത്തകര്‍ വാഹനങ്ങള്‍ തടഞ്ഞു. റോഡിന് നടുവില്‍ കൊടിയും കല്ലുകളും സ്ഥാപിച്ചാണ് വാഹനങ്ങള്‍ തടഞ്ഞത്. കാലത്ത് പതിനൊന്നിന് ബി.ജെ.പി പ്രവര്‍ത്തകര്‍ എടപ്പാളില്‍ പ്രകടനം നടത്തി.