പരപ്പനങ്ങാടി: പ്രയാഗ് തിയേറ്ററിനു സമീപത്തുനിന്നു 50 പൊതി കഞ്ചാവുമായി യുവാവ് എക്‌സൈസ് പിടിയില്‍.
പുതിയ ഒറ്റയില്‍ മുഹമ്മദ്  നിയാസ്( 29) എന്നയാളെയാണ് തിരൂരങ്ങാടി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എം രാഗേഷും പാര്‍ട്ടിയും അറസ്റ്റു ചെയ്തത്. പ്രതിയെ പരപ്പനങ്ങാടി കോടതിയില്‍ ഹാജരാക്കും. എക്‌സൈസ് ഷാഡോ സംഘത്തിന്റെ നിരീക്ഷണത്തെത്തുടര്‍ന്നുള്ള രഹസ്യവിവരത്തെ തുടര്‍ന്നാണ് അറസ്റ്റ്.
വിദ്യാര്‍ഥികള്‍ക്ക് കഞ്ചാവ് നല്‍കുന്ന മയക്കുമരുന്ന്  റാക്കറ്റിലെ പ്രധാന കണ്ണിയാണ് നിയാസ്. ഇയാള്‍ക്കെതിരേ നിരവധി കേസ്സുകള്‍ പൊലിസും എക്‌സൈസും മുമ്പ് രജിസ്റ്റര്‍ ചെയ്തിട്ടുണ്ട്.