ഇരിക്കൂര്‍: ഇന്നലെ ഉച്ചയോടെ കനത്ത മഴയോടൊപ്പമുണ്ടായ ശക്തമായ മിന്നലില്‍ ഇരിക്കൂര്‍ കുളഞ്ഞിയില്‍ പരക്കെ നാശം. പ്രദേശത്തെ എട്ട് വീടുകള്‍ക്ക് വന്‍തോതില്‍ നാശനഷ്ടമുണ്ടായി. പാറക്കടവത്ത് പി.കെ റാഫി, പി.വി ഗോവിന്ദന്‍, കാവുമ്മല്‍ നാരയണന്‍, കെ.പി നാരായണി, കുന്നുമ്മല്‍ രാജേന്ദ്രന്‍, കൊങ്ങിണി പുതിയപുരയില്‍ നാരായണി, കരിയില്‍ പുഷ്പവല്ലി എന്നിവരുടെ വീടുകള്‍ക്കാണ് ഇടിമിന്നലേറ്റത്. പാറക്കടവത്ത്  പി.കെ റാഫിയുടെ വീടിനു സമീപത്തുകൂടി ജലനിധിയുടെ ഇരുമ്പ് പൈപ്പ് പൊട്ടിത്തെറിച്ചു. വൈദ്യുതി ലൈനുകള്‍ പൊട്ടിവീണത് മേഖലയെ ഇരുട്ടിലാക്കി.