വടക്കാഞ്ചേരി: യു.ഡി.എഫ് സ്ഥാനാര്‍ഥി അനില്‍ അക്കരയെ പാട്ടും പാടി വിജയിപ്പിക്കാന്‍ യൂത്ത് കോണ്‍ഗ്രസ് തെക്കുംകര മണ്ഡലം കമ്മിറ്റി പഞ്ചായത്ത് അതിര്‍ത്തിയില്‍ പാട്ടു വണ്ടി പര്യടനം നടത്തി. ഇന്നലെ രാവിലെ പുന്നംപറമ്പ് സെന്ററില്‍ നിന്നാണ് പാട്ടു വണ്ടിയുടെ പ്രയാണം ആരംഭിച്ചത്. പഞ്ചായത്തിലെ 18 വാര്‍ഡുകളിലും പാട്ടു വണ്ടി പ്രയാണം നടത്തി. സുപ്രസിദ്ധ സംഗീതജ്ഞയും കലാമണ്ഡലം ഹൈദരാലിയുടെ സഹോദര പുത്രിയുമായ സൈബുന്നീസാ ഖാന്‍ ഉദ്ഘാടനം ചെയ്തു. യൂത്ത് കോണ്‍ഗ്രസ് മണ്ഡലം പ്രസിഡന്റ് കുട്ടന്‍ മച്ചാട് അധ്യക്ഷനായി. അഡ്വ. എല്‍ദോ പൂക്കുന്നേല്‍, ഡേവിഡ് സ്റ്റീഫന്‍, അഡ്വ: ടി.എസ് മായാദാസ്, തോമാസ് പുത്തൂര്‍, പഞ്ചായത്ത് മെമ്പര്‍മാരായ ബീന ജോണ്‍സണ്‍, കെ.ചന്ദ്രശേഖരന്‍, പി.ജെ രാജു, കോണ്‍ഗ്രസ് യൂത്ത് കോണ്‍ഗ്രസ് നേതാക്കളായ വി.എം കുരിയാക്കോസ്, സുനില്‍ ജെയ്ക്കബ്, പി.രാധാകൃഷ്ണന്‍, വി.ജി സുരേഷ് കുമാര്‍, എം.ടി വറീത്, ടി.വി പൗലോസ്, ഷെയ്ക്ക് ബാച്ച, ഒ.ശ്രീകൃഷ്ണന്‍, ജോണി ചിറ്റിലപ്പിള്ളി, കെ.ആര്‍ സന്ദീപ് പ്രസംഗിച്ചു.