കൊച്ചി: സ്വന്തം തട്ടകത്തില്‍ ആര്‍പ്പുവിളികളോടെ ഒത്തുകൂടിയ ആയിരങ്ങളെ ഒരിക്കല്‍ കൂടി നിരാശരാക്കാനാവില്ലെന്നുറച്ചായിരുന്നു കേരളാ ബ്ലാസ്‌റ്റേഴ്‌സ് മുംബൈയ്‌ക്കെതിരെ ഇന്ന് കളത്തിലിറങ്ങിയത്. പക്ഷെ, അതു തെളിയിക്കാന്‍ 58 മിനിറ്റ് നേരം പന്തിനു വേണ്ടി ഗ്രൗണ്ടില്‍ പായേണ്ടി വന്നു.

ഐ.എസ്.എല്‍ മൂന്നാം സീസണില്‍ കേരളത്തിന്റെ മുന്നേറ്റം കാത്തിരുന്ന ആരാധകര്‍ക്കു മുന്നില്‍ മൈക്കല്‍ ചോപ്രയാണ് വല കുലുക്കിയത്. പിന്നീട് ജയം ആധികാരികമാക്കാന്‍ കേരളവും തിരിച്ചുപിടിക്കാന്‍ മുംബൈയും ശ്രമം തുടര്‍ന്നെങ്കിലും ഒരു ഗോളും പിറന്നില്ല.

ഇതോടെ നാലു മാച്ചുകള്‍ കളിച്ച ബ്ലാസ്‌റ്റേഴ്‌സ് നാലു പോയിന്റുകള്‍ നേടി പട്ടികയില്‍ ആറാം സ്ഥാനത്തെത്തി. നേരത്തെ രണ്ടു കളിയില്‍ തോറ്റ ടീം ഒരു കളിയില്‍ സമനില കൈവരിച്ചിരുന്നു.