കല്‍പ്പറ്റ: കണ്‍സ്ട്രക്ഷന്‍ വര്‍ക്കേഴ്‌സ് സൂപ്പര്‍വൈസേഴ്‌സ് അസോസിയേഷന്‍ ജില്ലാ കണ്‍വന്‍ഷന്‍ നാളെ  കല്‍പ്പറ്റ ടൗണ്‍ഹാളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. നിര്‍മാണരംഗം നേരിടുന്ന വിവിധ പ്രശ്‌നങ്ങള്‍ കണ്‍വന്‍ഷനില്‍ ചര്‍ച്ച ചെയ്യും. മറുനാടന്‍ തൊഴിലാളികള്‍ക്ക് ക്ഷേമനിധി അടക്കമുള്ള സംവിധാനങ്ങള്‍ ഒരുക്കുന്നതില്‍ അധികൃതര്‍ നിസംഗത പുലര്‍ത്തുകയാണ്. ഇത് കടുത്ത ആശങ്കയാണ് ഉണ്ടാക്കുന്നത്. കണ്‍വന്‍ഷന്‍ സംസ്ഥാന പ്രസിഡന്റ് ഷാജിചേവരമ്പലം ഉദ്ഘാടനം ചെയ്യും. സുകുമാരന്‍ അധ്യക്ഷനാവും. രണ്ടിന് നടക്കുന്ന ചര്‍ച്ച ക്ലാസ് ലേബര്‍ ഓഫിസര്‍ കെ സുരേഷ് ഉദ്ഘാടനം ചെയ്യും. വാര്‍ത്താസമ്മേളനത്തില്‍ പി.സി സോജന്‍, അഹമ്മദ്കുട്ടി, വാസുദേവന്‍ എന്നിവര്‍ പങ്കെടുത്തു.