ഗുരുവായൂര്‍: ഒ.കെ.ആര്‍ മേനോന്‍ സ്മാരക ട്രസ്റ്റിന്റെ ഈ വര്‍ഷത്തെ അനുസ്മരണവും പുരസ്‌കാര സമര്‍പ്പണവും നാളെ നടക്കും. മുന്‍ മഹാരാഷ്ട്ര ഗവര്‍ണര്‍ കെ.ശങ്കരനാരായണന്‍ ഉദ്ഘാടനം ചെയ്യും. കെ.വി.അബ്ദുള്‍ ഖാദര്‍ എം.എല്‍.എ അധ്യക്ഷത വഹിക്കും. പുരസ്‌കാര ജേതാക്കളായി ടി.എന്‍.പ്രതാപന്‍(പൊതുപ്രവര്‍ത്തനം), പി.വി.മുഹമ്മദ് യാസിന്‍(വ്യാപാര മേഖല) നാഗേരി നാരായണന്‍ നമ്പൂതിരി(സഹകരണ മേഖല) എന്നിവരെ തെരഞ്ഞെടുത്തു. കൂടാതെ ഗുരുവായൂരിലെ മുതിര്‍ന്ന മാധ്യമ പ്രവര്‍ത്തകരായ എ.വേണുഗാപാല്‍, ജനു ഗുരുവായൂര്‍, ജീവകാരുണ്യ പ്രവര്‍ത്തകരായ ഡോ.പാര്‍വ്വതി പത്മനാഭന്‍, മെഹറുന്നീസ ഹൈദരലി, മേഴ്‌സി ജോയ്, അംഗന്‍വാടി അധ്യാപിക സരസ്വതി അയ്യപ്പത്ത് എന്നിവരെ ആദരിക്കും.