ന്യൂഡല്‍ഹി: ഇ.പി ജയരാജന്റെ മന്ത്രിസ്ഥാനത്ത് നിന്നുള്ള രാജിയോടെ കേരളത്തിലെ പിണറായി സര്‍ക്കാരിന്റെ ആദര്‍ശ പൊള്ളത്തരം തുറന്ന് കാണിക്കപ്പെട്ടിരിക്കുകയാണെന്ന് എ.ഐ.സി.സി പ്രസ്താവനയില്‍ പ്രതികരിച്ചു. സി.പി.എമ്മിന്റെ വാക്കും പ്രവര്‍ത്തിയും തമ്മില്‍ ഒരു ബന്ധവുമില്ലെന്ന് വ്യക്തമാക്കുന്നതാണ് രാജിയെന്നും പാര്‍ട്ടി മാധ്യമ വിഭാഗം തലവന്‍ രണ്‍ദീപ് സുര്‍ജേവാലെ പറഞ്ഞു.