കായംകുളം: കണ്ടല്ലൂര്‍ ഉമ്മാശ്ശേരി മാധവന്‍ ചാരിറ്റബിള്‍ ട്രസ്റ്റിന്റേയും പുതിയവിള കൊപ്പാറേത്ത് ഹയര്‍സെക്കന്‍ഡറി സ്‌കൂളിന്റേയും നേതൃത്വത്തില്‍ ആരംഭിച്ച ലഹരി വിമുക്ത സമിതിയുടെ ഉദ്ഘാടനം എക്‌സൈസ് കമ്മീഷണര്‍ ഋഷിരാജ് സിങ് നിര്‍വഹിച്ചു.
സ്‌കൂള്‍ മാനേജര്‍ പി. ചന്ദ്രമോഹന്‍ അധ്യക്ഷത വഹിച്ചു. ഡപ്യൂട്ടി എക്‌സൈസ് കമ്മീഷണര്‍ എ. അബ്ദുല്‍കലാം, ഗ്രാമ പഞ്ചായത്ത് പ്രസിഡന്റ് എ.വി. രഞ്ജിത്ത്, ഉമ്മാശ്ശേരി മാധവന്‍ ചാരിറ്റബിള്‍ മാനേജിങ് ട്രസ്റ്റി ബാബു ഉമ്മാശ്ശേരി, ബ്ലോക്ക് പഞ്ചായത്ത് അംഗം ഡി. അംബുജാക്ഷി, ഗ്രാമ പഞ്ചായത്ത് അംഗങ്ങളായ എന്‍. രാജഗോപാല്‍, ആര്‍. വിജയകുമാര്‍, എ. രമ, എച്ച്എം ബി. ഉഷാകുമാരി തുടങ്ങിയവര്‍ പ്രസംഗിച്ചു. ചടങ്ങില്‍ ചിത്രകാരന്‍ അന്‍വര്‍ പല്ലന വരച്ച ഛായാച്ചിത്രം ട്രസ്റ്റിന്റെ ഉപഹാരമായി ബാബു ഉമ്മാശ്ശേരി ഋഷിരാജ് സിങ്ങിനു നല്‍കി.
വിദ്യാര്‍ഥിനികള്‍ സ്വയ രക്ഷക്കായി അഭ്യാസ മുറകള്‍ പരിശീലിക്കണമെന്നും ഇതിനുള്ള സൗകര്യം സ്‌കൂള്‍ അധികൃതര്‍ തന്നെ ഒരുക്കണമെന്ന് അദ്ദേഹംപറഞ്ഞു.