കാഞ്ഞങ്ങാട്:പള്ളിയില്‍ നിന്നു മോഷണം പോയ മൊബൈല്‍ ഫോണുമായി യുവാവിനെ അറസ്റ്റു ചെയ്തു. ഗാര്‍ഡര്‍ വളപ്പിലെ ആബിദാണ്  (22) അറസ്റ്റിലായത്. ആവിയിലെ നൂറാനിയാ മസ്ജിദിലെ ഉസ്താദായ പരിയാരം സ്വദേശി സവാദ് എന്നയാളുടെ സാംസങ് ജെ 3 മൊബൈല്‍ ഫോണും 6200 രൂപയുമാണു കഴിഞ്ഞ ദിവസം രാത്രി 12.30 നു ശേഷം  പള്ളിയില്‍ നിന്നു കാണാതായത്. ഇതേ തുടര്‍ന്നു ഹൊസ്ദുര്‍ഗ് പൊലിസില്‍ പരാതി നല്‍കിയിരുന്നു.
പള്ളിക്ക് എതിര്‍വശത്തായി പൊലിസ് സ്ഥാപിച്ചിരുന്ന സി.സി ടി.വിയില്‍ ആബിദിന്റെ ദൃശ്യം പതിഞ്ഞതിനെ തുടര്‍ന്നാണ് ഇയാളെ പിടികൂടാനായത്.