മട്ടാഞ്ചേരി: കൊച്ചി നിയോജക മണ്ഡലത്തിലെ സര്‍ക്കാര്‍ എയ്ഡഡ് സ്‌ക്കൂളുകളിലെ വിദ്യാര്‍ഥികളുടെ പഠന നിലവാരം ഉയര്‍ത്താന്‍ കൊച്ചി എം.എല്‍.എ കെ.ജെ മാക്‌സിയുടെ നേതൃത്വത്തില്‍ നടപ്പാക്കുന്ന അക്ഷര ദീപം പദ്ധതിയുടെ ഭാഗമായി മാതാപിതാക്കള്‍ക്കുള്ള കൈപുസ്തകത്തിന്റെ വിതരണം നടന്നു. തോപ്പുംപടി ഔവര്‍ ലേഡീസ് ഹയര്‍ സെക്കന്‍ഡറി സ്‌ക്കൂള്‍ ഹാളില്‍ നടന്ന ചടങ്ങില്‍ പ്രമുഖ സംഗീത സംവിധായകന്‍ എം.കെ അര്‍ജ്ജുനന്‍ മാസ്റ്റര്‍ വിതരണോദ്ഘാടനം നിര്‍വഹിച്ചു. ഫാദര്‍ ജോപ്പി കൂട്ടുങ്കല്‍ പുസ്തകം ഏറ്റ് വാങ്ങി. കെ.ജെ മാക്‌സി എം.എല്‍.എ അധ്യക്ഷത വഹിച്ചു.