കോഴിക്കോട്: കേരള സ്റ്റേറ്റ് പ്രിന്റേഴ്‌സ് അസോസിയേഷന്‍ 15ാം സംസ്ഥാന സമ്മേളനത്തിന് കോഴിക്കോട്ട് തുടക്കമായി. കോര്‍പ്പറേഷന്‍ ജൂബിലി ഹാളില്‍ കോഴിക്കോട് മേയര്‍ തോട്ടത്തില്‍ രവീന്ദ്രന്‍ സമ്മേളനം ഉദ്ഘാടനം ചെയ്തു. മൂന്ന് ദിവസങ്ങളിലായി നടക്കുന്ന സമ്മേളനം നാളെ സമാപിക്കും. സമ്മേളനത്തിന്റെ ഭാഗമായി പ്രദര്‍ശനങ്ങള്‍, സെമിനാറുകള്‍, കുടുംബ സംഗമം എന്നിവ നടക്കും. കെ.പി.എ സംസ്ഥാന പ്രസിഡന്റ് പി.എ അഗസ്റ്റിന്‍ അധ്യക്ഷത വഹിച്ചു. അസോസിയേഷന്‍ സുവനീര്‍ പ്രസ്‌ക്ലബ് പ്രസിഡന്റ് കമാല്‍ വരദൂര്‍ പ്രകാശനം ചെയ്തു. കോര്‍പറേഷന്‍ ആരോഗ്യസ്ഥിരം സമിതി ചെയര്‍മാന്‍ കെ.വി ബാബുരാജ് ഏറ്റുവാങ്ങി.
വിജയന്‍, സൈമണ്‍ സക്കറിയാസ്, അഡ്വ. പി.എം നിയാസ്, സിബി കൊടിയംകുന്നേല്‍, എം.ജെ ജേക്കബ്, വി. കെ ഗോവിന്ദന്‍കുട്ടി, പി.എം ഹസൈനാര്‍, അഡ്വ. സാനു .പി ചെല്ലപ്പന്‍, കെ. ദേവരാജന്‍ സംസാരിച്ചു. പി. അശോക് കുമാര്‍ സ്വാഗതവും പി.എം.എ നാസര്‍ നന്ദിയും പറഞ്ഞു.
ഇന്ന് രാവിലെ 10.30ന് നടക്കുന്ന കുടുംബ സംഗമം എം.കെ രാഘവന്‍ എം.പി ഉദ്ഘാടനം ചെയ്യും. സംസ്ഥാന സമ്മേളനം നാളെ രാവിലെ 10ന് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും.