തിരുവനന്തപുരം: ജില്ലാ പഞ്ചായത്ത് കിഴുവിലം ഡിവിഷനിലേയ്ക്കുള്ള ഉപ തെരഞ്ഞെടുപ്പ് ഈ മാസം 21ന് നടക്കുന്നതിനാല്‍ കിഴുവിലം ജില്ലാ പഞ്ചായത്ത് ഡിവിഷനു കീഴില്‍ വരുന്ന ചിറയിന്‍കീഴ്, കിഴുവിലം, മുദാക്കല്‍, കടയ്ക്കാവൂര്‍, അതിയന്നൂര്‍, മടവൂര്‍ ഗ്രാമപഞ്ചായത്തുകളിലെ പോളിങ് കേന്ദ്രങ്ങള്‍ക്ക് 20നും 21നും  ജില്ലാ കലക്ടര്‍ എസ്. വെങ്കടേസപതി അവധി പ്രഖ്യാപിച്ചു. 21ന് മേല്‍പ്പറഞ്ഞ ഗ്രാമപ്പഞ്ചായത്തുകളുടെ പരിധിയില്‍ വരുന്ന സര്‍ക്കാര്‍, അര്‍ധസര്‍ക്കാര്‍, പൊതുമേഖലാ സ്ഥാപനങ്ങള്‍ക്കും അവധിയായിരിക്കും.  
20 മുതല്‍ 22 വരെ ഈ ഗ്രാമപ്പഞ്ചായത്ത് പ്രദേശങ്ങളില്‍ ഡ്രൈ ഡേ ആയും പ്രഖ്യാപിച്ചിട്ടുണ്ട്. 22ന് വോട്ടെണ്ണല്‍ നടത്തുമെന്നും ജില്ലാ മജിസ്‌ട്രേറ്റ് കൂടിയായ കലക്ടര്‍  അറിയിച്ചു.