തിരുവനന്തപുരം: മാധ്യമപ്രവര്‍ത്തകരെ അക്രമത്തിലൂടെ സ്ഥിരമായി വേട്ടയാടാന്‍ ശ്രമിച്ചാല്‍ ജനങ്ങള്‍ ശക്തമായി ഇടപെടേണ്ടിവരുമെന്നു സ്വതന്ത്ര മത്സ്യത്തൊഴിലാളി ഫെഡറേഷന്‍ സംസ്ഥാന പ്രസിഡന്റ് പി. സ്റ്റെല്ലസ് പറഞ്ഞു. മാധ്യമപ്രവര്‍ത്തകര്‍ക്കു കോടതിയില്‍ പ്രവേശിക്കുന്നതിന് തടസമില്ലെന്ന് ചീഫ് ജസ്റ്റിസ് മോഹന്‍ എം. ശാന്തന ഗൗഡര്‍ വ്യക്തമാക്കിയതിനു പിന്നാലെയാണ് തിരുവനന്തപുരം വിജിലന്‍സ് കോടതിയില്‍ നടപടികള്‍ നടന്നുകൊണ്ടിരിക്കെ ജഡ്ജിയുടെ മുന്നില്‍ അഭിഭാഷക സംഘം മാധ്യമപ്രവര്‍ത്തകരെ ആക്രമിച്ചത്. ഇത്തരത്തില്‍ മാധ്യമപ്രവര്‍ത്തനം നടത്താന്‍ കഴിയാത്തവിധം സ്വാതന്ത്ര്യ നിഷേധിച്ചാല്‍ ജനങ്ങള്‍ക്കു രംഗത്തിറങ്ങേണ്ടിവരുമെന്ന് ഫെഡറേഷന്‍ സംസ്ഥാന പ്രസിഡന്റ് പി. സ്റ്റെല്ലസ് പറഞ്ഞു.