നിലമ്പൂര്‍: അലൂമിനിയം ലേബര്‍ കോണ്‍ട്രാക്ട് അസോസിയേഷന്‍ (അല്‍ക) ജില്ലാ സമ്മേളനം ഒസികെ ഓഡിറ്റോറിയത്തില്‍ തുടങ്ങി. ഹംസ തിരൂര്‍ പതാക ഉയര്‍ത്തി. പ്രതിനിധി സമ്മേളനം സംസ്ഥാന പ്രസിഡന്റ് എം.ദിലീപ് ഉദ്ഘാടനം ചെയ്തു.  സുരേഷ് പാത്തിപ്പാറ അധ്യക്ഷനായി.
മധു കോട്ടത്തുരുത്തി, എല്‍.ഫസല്‍, ഉസ്മാന്‍ മലപ്പുറം, കെ.പി.റഷീദ് സംസാരിച്ചു. ഇന്ന് ഒമ്പതിന് പ്രദര്‍ശനം  നഗരസഭാ ചെയര്‍പേഴ്‌സണ്‍ പത്മിനി ഗോപിനാഥ് ഉദ്ഘാടനം ചെയ്യും. 9.30ന് പ്രകടനവും നടക്കും. തുടര്‍ന്ന് 11ന് നടക്കുന്ന  പൊതുസമ്മേളനം പി.വി.അബ്ദുല്‍ വഹാബ് എംപിയും, സഹായനിധി പി.വി.അന്‍വര്‍ എംഎല്‍എയും ഉദ്ഘാടനം ചെയ്യും. സമ്മേളനം ഇന്ന് സമാപിക്കും.