എടപ്പാള്‍: മാണിയൂര്‍ കായല്‍ സംരക്ഷിക്കണമെന്നാവശ്യപ്പെട്ട് എല്‍.ഡി.എഫിന്റെ നേതൃത്വത്തിലുള്ള സമരസമിതി പ്രക്ഷോഭങ്ങള്‍ക്ക് തുടക്കമിട്ടമായി സംഘാടകര്‍ വാര്‍ത്താസമ്മേളനത്തില്‍ അറിയിച്ചു. കാവില്‍പടിയിലെ ആയുര്‍വേദ ആശുപത്രിയുടെ മറവില്‍ ഏക്കര്‍ കണക്കിന് സ്ഥലം ഇതിനോടകം നികത്തി.
ഇതിനെതിരേ ഒട്ടേറെ സമരങ്ങള്‍ അരങ്ങേറുകയും നികത്തിയ സ്ഥലം പൂര്‍വ സ്ഥിതിയിലാക്കണമെന്നാവശ്യപ്പെട്ട് റവന്യൂ അധികൃതര്‍ക്ക് പരാതി നല്‍കുകയും ചെയ്‌തെങ്കിലും നടപടിയുണ്ടണ്ടായിട്ടില്ല.ഇതിനിടെ ഓണംപെരുന്നാള്‍ അവധികളുടെ മറവില്‍ 50 സെന്റ് സ്ഥലലവും  നികത്തി.ഇതിനെതിരെ നാട്ടുകാര്‍ പ്രതിഷേധവുമായി രംഗത്തെത്തിയെങ്കിലും കായല്‍ മണ്ണിട്ട് നികത്തിയ സ്ഥലത്ത് ഫലവൃക്ഷങ്ങള്‍ നട്ടുപിടിപ്പിച്ചിരുന്നു. ഇതേത്തുടര്‍ന്ന് സി.പി.എം പ്രവര്‍ത്തകര്‍ പ്രകടനവുമായെത്തി നികത്തിയ വയലില്‍ കൊടി നാട്ടി. മറ്റു സംഘടനകളും പ്രതിഷേധവുമായി രംഗത്തെത്തിയിരുന്നു.
നികത്തിയ പ്രദേശം പൂര്‍വസ്ഥിതിയിലാക്കണമെന്നാവശ്യപ്പെട്ട് ബന്ധപ്പെട്ട മന്ത്രിമാര്‍ക്കും റവന്യൂ അധികൃതര്‍ക്കും എല്‍.ഡി.എഫ് നേതൃത്വം  നിവേദനം നല്‍കിയിട്ടുണ്ടണ്ട്. എല്‍.ഡി.എഫിന്റെയും പരിസ്ഥിതി പ്രവര്‍ത്തകരുടെയും പുരോഗമന കലാസാഹിത്യ സംഘം പ്രവര്‍ത്തകരുടെയും നേതൃത്വത്തില്‍ 20ന് കാവില്‍പടിയില്‍ വിശദീകരണ പൊതുയോഗവും നടത്തുമെന്ന് വാര്‍ത്താസമ്മേളനത്തില്‍  ഭാരവാഹികളായ കെ.എന്‍ ഉദയന്‍, ഇ രാജഗോപാല്‍, പി.പി മുഹമ്മദാലി, കെ രവി എന്നിവര്‍ അറിയിച്ചു.