കോഴിക്കോട്: എന്‍.ഐ.ടി 12-ാം ബിരുദദാനം ഇന്നു നടക്കും. എന്‍ജിനിയറിങ്, സയന്‍സ്, ആര്‍ക്കിടെക്ചര്‍ വിഷയങ്ങളിലായി 1500ഓളം പേരാണ് ബിരുദത്തിനും ബിരുദാനന്തര ബിരുദത്തിനും അര്‍ഹരായതെന്ന് അധികൃതര്‍ വാര്‍ത്താസമ്മേളനത്തില്‍ അറിയിച്ചു. ബി.ടെക്-894, ബി.ആര്‍ക് -40, എം. ടെക് -382, എം.ബി.എ-38, എം.സി.എ-37, എം.എസ്.സി-55, പി.എച്ച്.ഡി-41 വിദ്യാര്‍ഥികളാണ് ബിരുദം നേടിയത്.
 ഇതില്‍ പത്തുപേര്‍ സ്വര്‍ണമെഡലിന് അഹരായിട്ടുണ്ട്. എന്‍.ഐ.ടി ഓപണ്‍ എയര്‍ തിയേറ്ററില്‍ വൈകിട്ട് നാലിനു നടക്കുന്ന ചടങ്ങില്‍ രസതന്ത്ര ശാസ്ത്രജ്ഞനും ഹൈദരാബാദ് സര്‍വകലാശാലയിലെ നാഷനല്‍ റിസര്‍ച്ച് പ്രൊഫസറുമായ പത്മശ്രീ പ്രൊഫ. ഗോവര്‍ദന്‍ മേത്ത മുഖ്യാഥിതിയായിരിക്കും. വാര്‍ത്താസമ്മേളനത്തില്‍ കെ. ശശീന്ദ്രന്‍, ഡോ. കെ.എസ് സുദീപ്, ടെക്‌സണ്‍ ആന്‍ഡ്രൂസ്, അജീഷ് പങ്കെടുത്തു.