കൊയിലാണ്ടി: മെഡിക്കല്‍ ഷോപ്പ് കൈയേറി ജീവനക്കാരെയും തടയാനെത്തിയ എസ്.ഐ ഉള്‍പ്പടെയുള്ള പൊലിസുകാരെയും അക്രമിച്ച സംഭവത്തിലെ പ്രതികളെ പിടികൂടി.
പന്തലായനി നടുവിലെ വെള്ളിലാട്ട് ജിതിന്‍ എന്ന അപ്പു (25),അര്‍ജുണ്‍ (20), വെള്ളിലാട്ട് മീത്തല്‍ അരുണ്‍ (23) , അജീഷ് (25) എന്നീ ഡി.വൈ.എഫ്.ഐ പ്രവര്‍ത്തകരെയാണ് ഇന്നലെ കൊയിലാണ്ടി സി.ഐ ഉണ്ണികൃഷ്ണനും സംഘവും അറസ്റ്റ് ചെയ്തത്. രണ്ട് ആഴ്ച മുന്‍പ് നഗരത്തിലെ കൊയിലാണ്ടി മെഡിക്കല്‍സാണ് ഇവര്‍ ആക്രമിച്ചത്. സംഭവം നടന്ന് രണ്ടാഴ്ച കഴിഞ്ഞിട്ടും പ്രതികളെ പിടികൂടാത്തതില്‍ വ്യാപക പ്രതിഷേധം ഉയര്‍ന്നിരുന്നു. ഭരണകക്ഷിയുടെ സ്വാധീനമാണിതിനു പിന്നിലെന്നും പ്രതികളെ ഒളിവില്‍ കഴിയാന്‍ സഹായം ചെയ്തത് പാര്‍ട്ടിയാണെന്നും ആരോപണമുയര്‍ന്നിരുന്നു. സംഭവത്തെ തുടര്‍ന്നാണ് കൊയിലാണ്ടി എസ്.ഐ നിപുണ്‍ ശങ്കറിനെ മാറ്റിയതെന്നും ആക്ഷേപമുണ്ട്.