റിയാദ്: രൂക്ഷമായ മനുഷ്യാവകാശ ലംഘനവും ആക്രമണങ്ങളും നടക്കുന്ന സിറിയയിലെ സമാധാനത്തനിനായി സഊദിയുടെ നേതൃത്വത്തില്‍ ഇന്ന് സ്വിട്‌സര്‍ലാന്റില്‍ സമാധാന ചര്‍ച്ചകള്‍ നടക്കും. സഊദി വിദേശ കാര്യ മന്ത്രി ആദില്‍ അല്‍ജുബൈറിന്റെ നേതൃത്വത്തിലുള്ള സംഘമാണ് ഇവിടെ വെച്ച് സിറിയയിലെ പ്രധാന കക്ഷികളായ അമേരിക്കയും റഷ്യയുമായി ചര്‍ച്ചകള്‍ നടത്തുകയെന്ന് സഊദി വിദേശ കാര്യ മന്ത്രാലയ ഓഫീസ് വൃത്തങ്ങള്‍ വ്യക്തമാക്കി. സ്വിട്‌സര്‍ലാന്റിലെ ലൗസന്നിയില്‍ നടക്കുന്ന സമാധാന ചര്‍ച്ചകള്‍ അതി പ്രധാനമെന്നാണ് വിദേശ മാധ്യമങ്ങള്‍ റിപ്പോര്‍ട്ട് ചെയ്യുന്നത്.