ആലപ്പുഴ: നിയമസഭാ തെരഞ്ഞെടുപ്പില്‍ വിഎസ് അച്യുതാനന്ദനും ഭാര്യയും വോട്ടുചെയ്യുന്നത് മന്ത്രി ജി സുധാകരന്‍ എത്തിനോക്കിയെന്ന പരാതിയില്‍ പൊലിസ് മൊഴി രേഖപ്പെടുത്തി.


വിഎസിന്റെ ഔദ്യോഗിക വസതിയില്‍ എത്തി ആലപ്പുഴ ഡിവൈ.എസ്പി ആണ് മൊഴിയെടുത്തത്.


വിഎസ്, ഭാര്യ വസുമതി, മകന്‍ അരുണ്‍കുമാര്‍ എന്നിവരില്‍നിന്നാണ് പൊലിസ് മൊഴി രേഖപ്പെടുത്തിയത്.


അമ്പലപ്പുഴ മണ്ഡലത്തിലെ സ്ഥാനാര്‍ഥിയായിരുന്ന ജി സുധാകരന്‍ വിഎസ് വോട്ടുചെയ്യുന്നത് എത്തിനോക്കിയത് വാര്‍ത്തയായിരുന്നു.


ആലപ്പുഴ ഡിസിസിയാണ് സുധാകരനെതിരേ പരാതി നല്‍കിയത്.


പരാതിയില്‍ സുധാകരനെതിരെ പൊലിസ് കേസെടുത്തിരുന്നു. തെരഞ്ഞെടുപ്പ് കമ്മിഷനാണ് കേസെടുത്ത് അന്വേഷിക്കാന്‍ പൊലിസിനോട് ആവശ്യപ്പെട്ടത്.