കോഴിക്കോട്: ഏകീകൃത സിവില്‍കോഡ് കൊണ്ടുവരാനുള്ള കേന്ദ്രസര്‍ക്കാര്‍ നീക്കം നല്ലതിനല്ലെന്ന് മുസ്‌ലിം ലീഗ്. എക സില്‍വില്‍ കോഡ് കൊണ്ടുവരാനുള്ള നീക്കം ബഹുസ്വരതയുള്ള രാജ്യത്ത് പല പ്രത്യാഘാതങ്ങളും സൃഷ്ടിക്കുമെന്നു പ്രതിപക്ഷ ഉപനേതാവ് പികെ കുഞ്ഞാലിക്കുട്ടി എംഎല്‍എ പറഞ്ഞു.


കേന്ദ്രത്തിന്റെ നീക്കത്തില്‍ ന്യൂനപക്ഷങ്ങള്‍ക്ക് സംശയമുണ്ട്. തീവ്രവാദത്തിനെതിരേ ലീഗ് പ്രചാരണം ശക്തമാക്കും.

മതപാഠപുസ്തകങ്ങളില്‍ തെറ്റുണ്ടെങ്കില്‍ തിരുത്തണം. അതിന്റെ പേരില്‍ യുഎപിഎ ചുമത്താനുള്ള നീക്കം അംഗീകരിക്കാനാവില്ല.

ഏകീകൃത സിവില്‍കോഡ് വിഷയത്തില്‍ കേന്ദ്രസര്‍ക്കാര്‍ നടപടിയെ എങ്ങിനെ പ്രതിരോധിക്കണം എന്നതിനെ കുറിച്ച് വിവിധ മുസ്‌ലിം സംഘടനകളുമായും മതേതര കക്ഷികളുമായും ചര്‍ച്ച ചെയ്യുമെന്നും കുഞ്ഞാലിക്കുട്ടി പറഞ്ഞു.