ന്യൂഡല്‍ഹി: ഐ.എസ്.എല്ലില്‍ നോര്‍ത്ത് ഈസ്റ്റ് യൂനേറ്റഡ്- ഡല്‍ഹി ഡൈനാമോസ് പോരാട്ടം സമനിലയില്‍ കലാശിച്ചു. ഇരു ടീമുകളും ഓരോ ഗോളുകളാണ് നേടിയത്.

38-ാം മിനിറ്റില്‍ ലെവീസ് ഗോള്‍ നേടിയതോടെ കളിയില്‍ ഡല്‍ഹി ലീഡ് പിടിച്ചു. 51-ാം മിനിറ്റില്‍ നോര്‍ത്ത് ഈസ്റ്റിന്റെ അല്‍ഫാരോ ഗോള്‍ നേടിയതോടെ കളി സമനിലയിലെത്തി.

ഐ.എസ്.എല്ലില്‍ നോര്‍ത്ത് ഈസ്റ്റിന് കഴിഞ്ഞ രണ്ടു സീസണുകളിലടക്കം ഇതുവരെ ഡല്‍ഹി ഡൈനാമോസിനെ പരാജയപ്പെടുത്താന്‍ കഴിഞ്ഞിട്ടില്ലെന്ന പേരുദോഷം മായിക്കാനായില്ല. നിലവില്‍ പോയിന്റ് പട്ടികയില്‍ ഒന്നാം സ്ഥാനത്താണ് നോര്‍ത്ത് ഈസ്റ്റ്.