കോഴിക്കോട്: ഇന്ത്യന്‍ സമൂഹം ഒരു മഴവില്ലുപോലെവ്യത്യസ്ത നിറങ്ങള്‍ നിറഞ്ഞതാണെന്നും യുവതലമുറ ഇന്ത്യയുടെവ്യത്യസ്തതകളും വെല്ലുവിളികളും തിരിച്ചറിയണമെന്നും പ്രശസ്ത രസതന്ത്രജ്ഞനും ഹൈദരാബാദ് സര്‍വ്വകലാശാലയിലെ നാഷണല്‍ റിസര്‍ച്ച് പ്രൊഫസറും ബാംഗ്ലൂര്‍ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് മുന്‍ ഡയറക്ടറും പദ്മശ്രീ ജേതാവുമായ പ്രൊഫസര്‍ ഗോവര്‍ധന്‍ മേത്തപറഞ്ഞു. നാനാത്വത്തില്‍ ഏകത്വം കണ്ടെത്തുന്നതില്‍ യുവതലമുറയ്ക്ക് കാര്യമായ പങ്കുവഹിക്കാനുണ്ട്.എന്‍.ഐ.റ്റി കോഴിക്കോട് സംഘടിപ്പിച്ച പന്ത്രണ്ടാംബിരുദദാനച്ചടങ്ങില്‍ സംസാരിക്കുകയായിരുന്നു അദ്ദേഹം.

പ്രൊഫ. ഗോവര്‍ധന്‍ മേത്ത മുഖ്യാതിഥിയായിരുന്നചടങ്ങില്‍ എന്‍.ഐ.റ്റി കോഴിക്കോട് ബോര്‍ഡ് ഓഫ് ഗവര്‍ണേഴ്‌സ് ചെയര്‍പേഴ്‌സണും കാപ്‌ജെമിനി ഇന്ത്യയുടെ സി.ഇ.ഓയുമായ അരുണാ ജയന്തി,എന്‍.ഐ.റ്റി ഡയറക്ടര്‍ ഡോ.ശിവാജി ചക്രവര്‍ത്തി, രജിസ്ട്രാര്‍ ഡോ. എസ് ചന്ദ്രാകരന്‍,ബോര്‍ഡ് ഓഫ് ഗവര്‍ണേഴ്‌സ് അംഗങ്ങള്‍, സെനറ്റ് അംഗങ്ങള്‍, ഡീന്‍മാര്‍, എന്‍.ഐ.റ്റിഫാക്കല്‍റ്റി അംഗങ്ങള്‍ എന്നിവര്‍ സന്നിഹിതരായിരുന്നു. 900ത്തോളം പേര്‍ കുടുംബാംഗങ്ങളോടോപ്പം ബിരുദമേറ്റുവാങ്ങാനെത്തി.