കല്‍പ്പറ്റ: ഏകസിവില്‍കോഡ് നടപ്പാക്കുന്നതിന് വേണ്ടിയുള്ള കേന്ദ്ര സര്‍ക്കാരിന്റെ നടപടികള്‍ മത സ്വാതന്ത്ര്യം ഇല്ലാതാക്കലും പൗരാവകാശ നിഷേധവുമാണെന്ന് സമസ്ത ജില്ലാ മുശാവറ അഭിപ്രായപ്പെട്ടു. ജനാധിപത്യ രാജ്യമായ ഇന്ത്യയിലെ ബഹുസ്വരതയും മതേതരത്വവും കാത്ത്‌സൂക്ഷിക്കല്‍ ഓരോ പൗരന്റെയും ഉത്തരവാദിത്തമാണെന്നും അത് കളഞ്ഞ് കുളിക്കാന്‍ ആരെയും അനുവദിക്കരുതെന്നും യോഗം ആവശ്യപ്പെട്ടു. ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ യോഗത്തില്‍ അധ്യക്ഷനായി. വി. മൂസക്കോയ മുസ്‌ലിയാര്‍ ഉദ്ഘാടനം ചെയ്തു.
നവംബര്‍ ആദ്യവാരത്തില്‍ ഏകസിവില്‍കോഡും ബഹുസ്വരതയും എന്ന വിഷയത്തില്‍ ചര്‍ച്ചാ സംഗമം സംഘടിപ്പിക്കുവാനും യോഗം തീരുമാനിച്ചു. എം.എം ഇമ്പിച്ചിക്കോയ മുസ്‌ലിയാര്‍, ടി.സി അലി മുസ്‌ലിയാര്‍, ആനമങ്ങാട് അബൂബക്കര്‍ മുസ്‌ലിയാര്‍, കെ.കെ.എം ഹനീഫല്‍ ഫൈസി, എസ്. മുഹമ്മദ് ദാരിമി, എം.എ ഇസ്മായില്‍ ദാരിമി, കെ.വി ജഅ്ഫര്‍ ഹൈതമി, സി.പി മുഹമ്മദ്കുട്ടി ഫൈസി, സി. ജഅ്ഫര്‍ സ്വാദിഖ് ഫൈസി, നിസാര്‍ ദാരിമി, വി.കെ അബ്ദുറഹ്മാന്‍ ദാരിമി, അബ്ദുറഹ്മാന്‍ ഫൈസി, പി. ഇബ്‌റാഹിം ദാരിമി, കെ.സി മമ്മുട്ടി മുസ്‌ലിയാര്‍ സംസാരിച്ചു.