ആനക്കര: റവന്യു സ്‌ക്വോഡ് കഴിഞ്ഞ നാല് ദിവസത്തിനുള്ളില്‍ 10 വാഹനങ്ങള്‍ പിടികുടി. അനധികൃത മണ്ണെടുപ്പു നടത്തുകയായിരുന്ന ഒരു ജെ.സി.ബിയും രണ്ട് ലോറികളും നെല്ലായയില്‍ നിന്നും പിടികൂടി. കൊപ്പം വില്ലേജില്‍ നിന്നും ഒരു ലോറിയും കരിമ്പ, പട്ടാമ്പി, തിരുവേഗപ്പുറ വില്ലേജുകളില്‍ നിന്നായി നാല് ലോറികളും കുലുക്കല്ലൂര്‍ മപ്പാട്ടുകര എന്നിവിടങ്ങളില്‍ നിന്നായി രണ്ട് ഓട്ടോകളും ഒരു ലോറിയും പിടികൂടി. ഡെ. തഹസില്‍ദാര്‍മാരായ ടി.പി. കിഷോര്‍, വിജയഭാസ്‌കരന്‍, എന്‍. ശിവരാമന്‍ വില്ലേജ് ഓഫിസര്‍മാരായ ലാല്‍. സി.ആര്‍ മോഹനന്‍, വില്ലേജ് ജീവനക്കാരനായ സെബാസ്റ്റ്യന്‍ എന്നിവരാണ് സംഘത്തിലുണ്ടയിരുന്നത്.