തിരുവനന്തപുരം: റെയില്‍വേ ലൈനില്‍ വടക്കാഞ്ചേരി- വള്ളത്തോള്‍ നഗര്‍ സ്റ്റേഷനുകള്‍ക്കിടയില്‍ അറ്റകുറ്റ പണികള്‍ക്കായി നാളെ മുതല്‍ നവംബര്‍ ഒന്നുവരെ ഈ മാസം 22, 28, 29 ഒഴികെയുള്ള ദിവസങ്ങളില്‍ ഗതാഗത നിയന്ത്രണം ഏര്‍പ്പെടുത്തും.  
രാത്രി 10.30നു പുറപ്പെടുന്ന തിരുവനന്തപുരം പാലക്കാട് അമൃത എക്‌സ്പ്രസ് 135 മിനിട്ടു വൈകി രാത്രി 12.45 നായിരിക്കും പുറപ്പെടുക.  പുലര്‍ച്ചെ മൂന്നിനും ഏഴിനും ഇടയില്‍ വടക്കാഞ്ചേരി വഴി കടന്നു പോകുന്ന വണ്ടികള്‍ 20 മിനിട്ടുമുതല്‍ ഒരുമണിക്കൂര്‍ വരെ വൈകാനും സാധ്യതയുണ്ട്. ഈ മാസം 22, 28, 29 തീയതികളില്‍ അമൃതയുടെ സമയക്രമത്തില്‍ മാറ്റമില്ല.